артиллериялық қоштау

(Артиллерийское сопровождение)

шабуылды қарсылас қорғанысының тереңіне қарай дамыту кезіндегі артиллерияның ұрыс әрекеті, шабуылдаушы әскерлерді артиллериялық қоштауы. А.қ. шабуылға кедергі жасайтын нысаналарды жою мақсатында артиллериялық атыс және қарапайым жабдықталған ракета соққыларымен іске асырылады; атыс қоштаудың құрамды бөлігі болып табылады. А.қ. шабуыл алдында басталып, әскерлер ұрыс тапсырмасын орындағанша жалғасады. А.қ. барысында артиллериялық дайындық пен артиллериялық қолдау орын алуы мүмкін (мыс., қарсыластың терең қорғанысында оның позициялары мен шебін жүріп келе жатып бұзғанда), шабуылға (лап қоюға) қарсы тойтарыс беруге қатысу, әуе десантының тактикалық қимылын қолдау.